ქუთაისის ილია ჭავჭავაძის სახელობის სამეცნიერო ბიბლიოთეკაში ქუთაისელი ცაციების დღე აღნიშნეს.
საღამოზე მემარცხენეების მიერ შექმნილი ფოტონამუშევრების გამოფენა მოეწყო, შესრულდა საგალობლები. ცაციებმა ასევე მუსიკალური ნომრებიც წარმოადგინეს და კიდევ ერთხელ აღნიშნეს, რომ ცაციობა ნაკლი არაა.
ნანი ქავზინაძე, ქუთაისელი ცაციების ორგანიზაციის დამფუძნებელი: „იყო ცაცია, არის დიდი პატივი, რადგანაც,როგორც წესი, ცაციები მსოფლიოში ყველაზე გამორჩეულები არიან მათი წარმატებითა და ნიჭიერებით, ამ მხრივ გამონაკლისი არც ქუთაისელი ცაცები არიან და ჩვენს საზოგადოებაში, რომელსაც დღითიდღე ახალი ცაციები უერთდებიან, უამრავი ნიჭიერი ადამინია. ჩვენ ყველას ერთად გვეამაყება, რომ ვართ ცაცია.“