კომუნიკაციებისეროვნულმა კომისიამმობილურ ბაზარზე ურთიერთჩართვის ახალი ზედა ზღვრული ტარიფი დაადგინა. ტარიფი 5–დან 3,5 თეთრამდე შემცირდა და ახალი ტარიფი სამმობილურ ოპერატორს „მაგთიკომს“, „ჯეოსელს“ და „ბილაინს“ დაუწესდა.

კომისიის გადაწყვეტილებით, მობილურ ბაზარზე ურთიერთჩართვის (საბითუმო) ახალი ზედა ზღვრული ტარიფი 2015 წლის 1 იანვრიდან ამოქმედდება. 

კომისია   „ელექტრონული კომუნიკაციების შესახებ“ კანონის თანახმად უფლებამოსიალია ბაზრის შესაბამის სეგმენტზე გამოავლინოს მნიშვნელოვანი საბაზრო წილის მქონე ოპერატორები და თავისი გადაწყვეტილებით დააკისროს მათ სპეციფიკური ვალდებულებები, მათ შორის დაუწესოს ზედა ზღვრული ტარიფები. კომისიამ ბოლო ათი წლის განმავლობაში კვლევა-ანალიზის ჩატარების შედეგად არაერთხელ გადახედა მობილური საბითუმო ბაზრის ურთიერთჩართვის ტარიფს და 22.8 თეთრიდან ეტაპობრივად 3.5 თეთრამდე შეამცირა.

სამივე მობილურ ოპერატორს კომისიის გადაწყვეტილებით ახალი ურთიერთჩართვის ტარიფის ძალაში შესვლამდე ერთი თვით ადრე საკუთარ ვებგვერდებზე შეცვლილი სატარიფო გეგმების გამოქვეყნებაც დაევალა.

წყარო: http://bpi.ge/