ქალაქ წყალტუბოს რეაბილიტაციისთვის ბევრი მუშახელი თუ მძიმე ტექნიკაა მობილიზებული. ცენტრალური პარკის ტერიტორიაზე მიმდინარეობს საფეხმავლო ბილიკების, ამფითეატრის, ღია კაფის, ჩოგბურთის კორტის, მინი გოლფის ხელოვნურ და გრუნტისსაფარიანი მოედნების, სამი სხვადასხვა ფორმის აუზის მშენებლობა.
გზების, საფეხმავლო ბილიკებისა და სანიაღვრე სისტემის რეაბილიტაცია წყალტუბოს ცენტრალურ პარკში და ტბა „ცივის“ მიმდებარედ, წრიული გზის და სანიაღვრე სისტემის რეაბილიტაცია, რკინიგზისა და საკრებულოს შენობებისა და მცირე საფეხმავლო ხიდების რესტავრაცია, წყალტუბოს გამგეობის შენობის და ცენტრალური პარკის ტერიტორიაზე არსებული კინოთეატრის შენობის ფასადის რეაბილიტაცია.
პროექტის მიხედვით, ამ ტერიტორიას მოცეკვავე შადრევნებიც გაალამაზებენ. უახლოეს მომავალში დაიწყება პარკის გამწვანების სამუშაოებიც. პარალელურ რეჟიმში დაგეგმილია გზების საფარის შეცვლა.
წყალტუბოს რეაბილიტაციისათვის დაწყებული ყველა პროექტი 2014 წლის ბოლომდე უნდა დასრულდეს.