ქუთაისის იაკობ გოგებაშვილის სახელობის თოჯინების სახელმწიფო თეატრში შიდა საპრემიერო ჩვენება გაიმართა.
„მოგზაურობა ყვავილეთში“– ეს არის პაექშის და იუარსკის ორმოქმედებინი პიესა, რომელიც ახალგაზრდა რეჟისორმა, ეკატერინე სირაძემ ბავშვებისთვის ქუთაისის თოჯინების თეატრში დადგა.
„სპექტაკლი პატარებისთვის, ვთვლი, რომ ცოტა არაორდინალურია, რადგან მწერებზეა. მინდა, ბავშვები მოვიდნენ ჩვენს წარმოდგენებზე და შეიყვარონ მწერები და ჭიანჭველა ღუნღულა. პიესა სპეციალურად შეირჩა, რადგან მეგობრობას, სიყვარულს და სიკეთეს ასწავლის. აქ ფერადი სამყაროა შექმნილი, ისეთი, როგორიც პატარებს ხიბლავს“ – განაცხადა სპექტაკლის რეჟისორმა ეკატერინე სირაძემ.
სპექტაკლმა, რომელსაც არამხოლოდ პატარა მაყურებლები ესწრებოდნენ, მოწონება და აპლოდისმენტები დაიმსახურა.