ახლახანს სოციალური ქსელით გავრცელდა ინფორმაცია, რომ ქუთაისში 20 წლის ახალგაზრდა,მირზა გოჩუაძე სამართალდამცავებმა დაჭრეს.
როგორც ირკვევა, შემთხვევა ახალგაზრდობის გამზირის პირველ შესახვევში მოხდა.
შემთხვევის თვითმხილველთა თქმით, შესაძლოა, გოჩუაძის დაჭრა მათ უბანში მომხდარ ქურდობას უკავშირდება.
„ახალგაზრდა თავისი მანქანით მოძრაობდა. პოლიციამ გაჩერება მოსთხოვა. გოჩუაძეს მართვის მოწმობა არ ჰქონდა, ამიტომ, ალბათ შეეშინდა, გაიქცა, რასაც პოლიციელების მხრიდან სროლა მოჰყვა,“ - ამბობენ თვითმხილველები.
მომხდართან დაკავშირებით პოლიცია ჯერჯერობიტ კომენტარს არ აკეთებს.
შემთხვევის ადგილას ამ დროისათვის ექსპერტ-კრიმინალისტები არიან მობილიზებული.