დღეიდან საქართველოს ტერიტორიაზე ამინდი გაუარესდება. როგორც გარემოს ეროვნული სააგენტოს მოკლევადიანი პროგნოზების განყოფილების უფროსი დოდო გვაზავა აცხადებს, წვიმა გაძლიერდება როგორც აღმოსავლეთ, ისე დასავლეთ საქართველოში. ასევე, დასავლეთ საქართველოში გაძლიერდება ქარიც. 30 სექტემბრის ღამით კი, სავარაუდოდ, დიდი ნალექია მოსალოდნელი. სინოპტიკოსები მდინარეებში წყლის მომატებას ვარაუდობენ. მდგომარეობა შესაძლებელია დამძიმდეს მეწყერსაშიში ზონებშიც.
სინოპტიკოსების პროგნოზით, ტემპერატურა მთელ საქართველოში დღეიდან 5 გრადუსით დაიკლებს.