ლიტერატურის განვითარებაში შეტანილი განსაკუთრებული წვლილისთვის ყოველწლიური პრემია „საბა“ გადაეცა პოეტსა და მთარგმნელს დავით წერედიანს,
ხოლო წლის საუკეთესო რომანის ტიტული მიიღო ზვიად კავრაცხელიას რომანმა "ფორმა N100”
საუკეთესო პოეტური კრებული ავტორი ეკა ქევანიშვილი გახდა
ლიტერატურული პრემია „საბას“ 2014 წლის შემდეგ ნომინაციებში ასე განაწილდა:
საუკეთესო ლიტერატურული დებიუტი - პოეტურ ნაწილში - ლია ლიქოკელი, „დევის ცოლის სიცილი“ (გამომცემლობა საუნჯე), პროზაული ნაწილი - Toresa Mossy, „სიბრძნე სიცრუისა“ (პალიტრა L);
საუკეთესო ლიტერატურული კრიტიკა - თამაზ კვაჭანტირაძე, „განსჯანი“ (ილიელი);
საუკეთესო ესსეისტიკა და დოკუმენტური პროზა - გოგი გვახარია, „ცრემლიანი სათვალე“ (ბაკურ სულაკაურის გამომცემლობა);
საუკეთესო თარგმანი - გიორგი გოკიელი - ლუის კეროლის „ელისის თავგადასავალი საოცრებათა ქვეყანაში“ (ბაკურ სულაკაურის გამომცემლობა);
საუკეთესო პიესა - დავით გაბუნია, პიესები (დიოგენე);
საუკეთესო პროზაული კრებული - არჩილ ქიქოძე, „ჩიტის და კაცის ამბავი“ (სიესტა);
ქართული ნაწარმოების საუკეთესო უცხოური თარგმანი - დონალდ რეიფილდი, ოთარ ჭილაძის „აველუმი“ (ინგლისური თარგმანი);
ყოველწლიური ლიტერატურული პრემია „საბა“ დაფუძნდა 2003 წელს.
პრემიის დამფუძნებლები არიან თიბისი ბანკი, პენცენტრი და ტელეკომპანია „რუსთავი-2”.
პრემიის მიზანია გასული ერთი წლის ლიტერატურული პროცესების შეფასება და წლის საუკეთესო წიგნებისა და ავტორების გამოვლენა.