დღეს ქუთაისის საპელაციო სასამართლოში ვანო მერაბიშვილისა და ზურაბ ჭიაბერაშილის სააპალაციო სარჩელის განხილვა დაიწყო.
დღევანდელ სასამართლო პროცესს არ ესწრებოდა ვანო მერაბიშვილი. ზურაბ ჭიაბერაშვილმა სხდომის დასწრების წინ ჟურნალისტებს განუცხადა, რომ მათ ამ ქვეყანაში სამართლიანობის იმედი არ აქვთ, თუმცა აპირებენ ყველა ინსტანცია მოაირონ, რომ შემდეგ სტრასბურგის სასამართლოს მიმართონ.
ყოფილი პრემიერ-მინისტრისა და ექსმინისტრის საქმეს მოსამართლეთა კოლეგია მარინა სირაძის, მარინე იმერლიშვილის და მურთაზ კაპანაძის შემადგენლობით განიხილავს.
ვანო მერაბიშვილი უკვე წელიწადი და ოთი თვეა, პატიმრობაში იმყოფება. ქუთაისის საქალაქო სასამართლომ მას მოსამართლე ნათია ბარბაქაძის გადაწყვეტილებით, 5 წლით თავისუფლების აღკვეთა მიუსაჯა. მერაბიშვილს, ასევე, აეკრძალა თანამდებობის 1 წლის და 6 თვის ვადით დაკავება,
მასთან ერთად „დასაქმების საქმეში“ ბრალდებულ ზურაბ ჭიაბერაშვილს - კი 50 ათასლარიანი ჯარიმა დაუდგინდა.
დღევანდელ სხდომაზე კი პროკურორმა ქეთევან ჩაჩავამ ჭიაბერაშვილისათვის ბრალის დამძიმება მოითხოვა.