გეგუთის N 14 სასჯელაღსრულების დაწესებულების მსჯავრდებული 34 წლის რუსლან სოსელია , რომელიც რამდენიმე დღის განმავლობაში ქუთაისის ინფექციურ საავადმყოფოში მკურნალობდა, გავრცელებული ინფორმაციით, საავადმყოფოს მეორე სართულის ფანჯრიდან გადახტა და მიიმალა.
როგორც სასჯელსაღსრულებისა და პრობაციის სამონისტრო იტყობინება, სოსელია, რომელიც სასჯელს 2009 წლიდან იხდის, ქრონიკული ავადმყოფია, რის გამოც ინფექციურ საავადმყოფოში პერიოდულად გადაჰყავდათ, სადაც მას შესაბამისი მკურნალობა უტარდებოდა.
მომხდარს ფაქტს დასავლეთ საქართველოს საოლქო პროკურატურა იძიებს.
ამ დროისათვის გაქცეული პატიმრის დასაკავებლად მიმდინარეობს ოპერატიულ-სამძებრო და საგამოძიებო ღონისძიებები, რომელშიც ჩართულია შინაგან საქმეთა სამინისტრო.
მსჯავრდებულის მიმართ, საქმეზე დაწყებულია გამოძიება სისხლის სამართლის კოდექსის 379-ე მუხლის პირველი ნაწილით.
საქმე აღძრულია ბადრაგის თანამშრომელთა მიმართაც- 243 პრიმა მუხლის პირველი ნაწილით.
|