„ზებრა“ გადასასვლელების თემას  ჩვენმა ინტერნეტსაიტმა რამდენიმე  სტატია მიუძღვნა. 

  ვწერდით , რომ ქუთაისში  „ზებრა“ გადასასვლელებზე  ნახაზი ბევრგან წაშლილია და მისი შემჩნევა    ხშირად შეუძლებელია.   ბევრ ადგილას კი,  საჭიროების მიუხედავად, (მაგალითად, სკოლებთან)   გადასასვლელი საერთოდ არ  არის მონიშნული.

ამ საკითხზე ცოტა ხნის წინ  ქალაქის მერიის პრესსამსახურისაგან სასიამოვნო ინფორმაცია მივიღეთ:   - „ქალაქში 4 ცენტრალური ქუჩა -( რუსთაველის, ზ.გამსახურდიას,   თაბუკაშვილის,და აღმეშენებლის )  დაიხაზა.  აღნიშნულ ქუჩებზე     მოწესრიგდა  ასფალტის საფარიც. 

საჯარო სკოლების წინ  დაიხაზა მოქალაქეთა გადასასვლელები-  ეგრეთწოდებული ზებრა.“

როგორც ირკვევა, სასწავლო წლის დაწყებასთან დაკავშირებით სამუშაოები ღამითაც  მიმდინარეობდა:   „სამუშაოების მიმდინარეობას,  გვიან ღამით,  ქალაქის მერი შოთა მურღულია და ინფრასტრუქტურის განვითარების, კეთილმოწყობის, ტრანსპორტის და დასუფთავების სამსახურის უფროსი მალხაზ ბასილაძე დაესწრნენ.“-აღნიშნულია მერიის პრესსამსახურის  მიერ გავრცელებულ  ინფორმაციაში.

საგზაო სამუშაოებს  ქუთაისში  ტენდერში გამარჯვებულმა კომპანია   შ.პ.ს ,,გზაჯვარედინი“   ახორციელებს.