ქუთაისში ზებრა გადასასვლელის მნიშვნელობა მთლად გასაგები, როგორც ჩანს, არც ავტომანქანის მძღოლებისთვის და არც ფეხით მოსიარულეებისთვისაა.
მძღოლები იშვიათად უთმობენ გზას ქვეითებს, ფეხით მოსიარულეებიც ხშირად არ იცავენ მოძრაობის წესებს.
საერთო მოუწესრიგებლობა კი ერთ დიდ ქაოსს ქმნის, რაც, ხშირად საგზაო შემთხვევევის მიზეზი ხდება.
ასეთი უწესრიგობა განსაკუთრებით აოცებთ უცხოელ სტუმრებს, რომელთა წინაშე თავის მოწონებას მონდომებით ვცდილობთ.
მათ ჩვენს უძველეს კულტურაზე ვესაუბრებით, ისინი კი ჩვენს ახლანდელ ყოფით კულტურას ქუჩაში შეუიარაღებელი თვალითაც ადვილად ხედავენ.