დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
სერგეი დანკვერტი: მიმდინარე წლის პირველ ნახევარში საქართველოდან სასურსათო ტვირთის მიწოდება გაიზარდა
ავტორი: PS („პოსტსკრიპტუმი“)
2014/08/23 17:14:47

„როსსელხოდნადზორის“  ხელმძღვანელ სერგეი დანკვერტსა და საქართველოს სურსათის ეროვნული სააგენტოს ხელმძღვანელ ზურაბ ჩეკურაშვილს შორის სამუშაო შეხვედრა გაიმართა, - ინფორმაცია ამის შესახებ „როსსელხოდნადზორის“ ოფიციალურ ვებ-გვერდზე განთავსდა.


განცხადების თანახმად, სერგეი დანკვერტმა განაცხადა, რომ მიმდინარე წლის პირველ ნახევარში საქართველოდან სასურსათო ტვირთის მიწოდება გაიზარდა. ზურაბ ჩეკურაშვილმა ხაზგასმით აღნიშნა, რომ აღნიშნული ზრდა იმ თანამშრომლობის შედეგიცაა, რომელიც „როსსელხოდნადზორსა“ და საქართველოს სურსათის ეროვნულ სააგენტოს შორის ჩამოყალიბდა.


„ზურაბ ჩეკურაშვილის განცხადებით, საქათველო მზადაა, გაზარდოს რუსეთში ციტრუსის, ატმის, ვაშლის, მსხლის, კომშის ექსპორტი და ასევე დაიწყოს ცხოველური წარმოების პროდუქციის მიწოდება, როგორიცაა ცხვრის ხორცი, ცოცხალი ცხვარი, კალმახი და თაფლი. ამასთან დაკავშირებით, საქართველო დაინტერესებულია რუსული თესლისა და გენეტიკური მასალის იმპორტით, ჯიშიანი პირუტყვის მოსაშენებლად“, - ნათქვამია „როსსელხოდნადზორის“ მიერ გავრცელებულ განცხადებაში.


პრესრელიზის თანახმად, ზურაბ ჩეკურაშვილმა სერგეი დანკვერტს ასევე მიაწოდა ინფორმაცია საქართველოს ტერიტორიაზე ღორის აფრიკულ ჭირთან ბრძოლის ზომების შესახებ. მხარეებმა ასევე განიხილეს ცოფის წინააღმდეგ ბრძოლის მეთოდები. 

 

 

 

 

 

'.$TEXT['print'].'
სულ ნანახია - 2392
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია