არასამთავრობო ორგანიზაცია „საერთაშორისო გამჭვირვალობა-საქართველო“ აქვეყნებს კვლევას სამეგრელო-ზემო სვანეთის, გურიის, იმერეთისა და აჭარის თვითმმართველობებში გაცემული პრემიებისა და სახელფასო დანამატის შესახებ. კვლევა 2014 წლის პირველი იანვრიდან მაისის ჩათვლით გაცემულ თანხებს ეხება. იმერეთის შემთხვევაში წარმოდგენილია 2014 წლის პირველი იანვრიდან მარტის ჩათვლით გაცემული პრემიების მონაცემები.

„საერთაშორისო გამჭვირვალობა-საქართველოს“ წარმომადგენლის თეონა ზაქარაშვილის განცხადებით, იმერეთის რამდენიმე მუნიციპალიტეტში პრემია საერთოდ არ გაიცა, ქუთაისის მერიამ კი საჯარო ინფორმაციის გაცემაზე უარი განაცხადა, თუმცა მერიის ადმინისტრაციული სამსახურის უფროსოს ზვიად ჯავახიას განცხადებით, მერიას ინფორმაციის განცხადებაზე უარი არ განუცხადებია და აღნიშნა, რომ საერთაშორისო გამჭვრივალობა-საქართველოს მომსახურეობის საჭირო თანხა არ გადაუხდია, რაც გახდა მიზეზი ინფორმაციის არ მიწოდებისა.

ზესტაფონის მუნიციპალიტეტმა პრემიის რაოდენობა არ გამოყო ხელფასისგან და ერთობლივი მონაცემები მიაწოდა არასამტავრობო ორგანიზაციას.

 „ჩვენი სურვილია პრემიამ დაიბრუნოს, ის მნიშვმნელობა რაც არის საჯარო სამსახურის შესახებ კანონში გათვალისწინებული და სახელფასო დანამატი თანამშრომლებმა დამსახურების მიხედვით ინდივიდუალურად მიიღონ და არა ისე, როგორც ეს ჩვენს რეალობაში ხდება“-განაცხადა ზაქარაშვიოლმა.

იმერეთის რეგიონის მუნიციპალიტეტებში გაცემული პრემიები შემდეგნაირად გამოიყურება:

წყალტუბოს გამგეობა-97 850

სამტრედის გამგეობა-79440

სამტრედიის საკრებულო-41190

ვანის საკრებულო-33440

ჭიათურა-12250

ჭიათურის საკრებულო-2250

ქუთაისის საკრებულო-60 444

ხარაგაულის საკრებულო და გამგეობა-18 560

ხონის საკრებულო-109 680 რაც  ჯამში 455 104 ლარს შეადგენს.