საბავშვო ბაღებში აღსაზრდელების რეგისტრაცია 1-ლი ივლისიდან იწყება.

საბავშვო ბაგა-ბაღების მართვის სააგენტოს ინფორმაციით, 2014-2015 სასწავლო წლისთვის, 1-ლი ივლისიდან 5 ივლისამდე რეგისტრირდებიან იმ სოციალურად დაუცველი ოჯახების 2-დან 6 წლამდე ასაკის ბავშვები, რომელთა სარეიტინგო ქულა 200 000-სს არ აღემატება, ასევე რეგისტრირდებიან სპეციალური საგანმანათლებლო საჭიროების მქონე ბავშვები და სსიპ "სახელმწიფო ზრუნვის სააგენტოს" ფილიალის ჩვილ ბავშვთა სახლის ბენეფიციარები (შესაბამისი უფლებამოსილების მქონე დაწესებულების), მოწერილობის საფუძველზე.
5 ივლისიდან 10 ივლისამდე უკვე დარეგისტრირებული ბავშვების დედმამიშვილები რეგისტრირდებიან. 10 ივლისიდან კი რეგისტრირდება უწყვეტად ყველა ბავშვი.

საბავშვო ბაგა-ბაღების მართვის სააგენტოს განცხადებით, ახალი 2014-2015 სასწავლო - სააღმრზდელო წლისათვის, ბაგა ბაღებში ელექტრონული რეგისტრაცია შესაძლებელია ისეთი ბავშვებისთვის, რომლებიც 2014 წლის 8 სექტემბრისთვის იქნებიან 2 წლის, ასევე, ბავშვები, რომლებსაც 8 სექტემბრისთვის არ შესრულებიათ 6 წელი.

საბავშვო ბაგა-ბაღების მართვის  სააგენტომ რეგისტრაცია გამოაცხადა ივლისის თვეში მომუშავე საზაფხულო ბაგა-ბაღებში აღსაზრდელების დასარეგისტრირებლად. აღნიშნულ  ბაგა-ბაღებში 2-დან 6 წლამდე ასაკის ბავშვთა ელექტრონული რეგისტრაცია 15 ივნისს დაიწყო.