ნარჩენების მართვის ინოვაციური მეთოდის შესახებ საზოგადოების ინფორმირებისთვის დღეს მორიგი შეხვედრა გაიმართა.

პროექტის ორგანიზატორებმა შეხვედრა ქუთაისში მოქმედ არასამთავრობო ორგანიზაციებთან გამართეს. ამავდროულად  ნარჩენების გარემოზე ზემოქმედებასა და ნარჩენების მართვის მექანიზმებზე ისაუბრეს. ტრენინგის მონაწილეებმა  ნარჩენების კლასიფიკაცია– იერარქიის, ნარჩენების გადამუშავებასა და მისი გამოყენების, ასევე გარემოს ძირითადი დამბინძურებლების შესახებ სრულყოფილი ინფორმაცია მიიღეს . 

განხილულ იქნა 2005 წელს შემუშავებული ქუთაისის ადგილობრივი გარემოსდაცვითი სამოქმედო გეგმის სტრატეგიული პროგრამის „ ქალაქი ნარჩენის გარეშე“ შესრულების საკითხი.
შეხვედრაზე საუბარი შეეხო ნიკეას ნაგავსაყრელზე არსებულ მდგომარეობას და მისი მოწყობის თანამდეროვე მიდგომებს.

" ჩვენ ვსაუბრობთ ნარჩენების როგორც გარემოს მთავარი დამბინძურებლების მნიშვნელობაზე, ასევე მისი გადამუშავებისა და გამოყენების გზებზე. მიმაჩნია, რომ ყველა ადამიანი უნდა იყოს ინფორმირებული იმის შესახებ, თუ რა მეთოდები არსებობს ნარჩენების ეფექტურად მართვისთვის. ასევე მნიშვნელოვანია, რომ შესაძლებელია ნარჩენებს მოვუძებნოთ ჩვენთვის სასარგებლო გამოყენება საყოფაცხოვრებო პირობებში"–განაცხადა  ტრენინგის ერთ–ერთი მომხსენებელმა ლალი გამყრელიძემ.