თერჯოლის მუნიციპალიტეტში რეაბილიტირებული კულტურის სახლის გახსნა საზეიმო ღონისძიებით აღინიშნა.
კონცერტზე ადგილობრივმა მუსიკალურმა და ქორეოგრაფიულმა ანსამბლებმა ტრადიციული სამუსიკო და საცეკვაო ნომრები შეასრულეს. ღონსიძიების მეორე ნაწილში კი სცენა თერჯოლის სახალხო თეატრს დაეთმო, დასი მაყურებლის წინაშე სპექტაკლ „ბაკულას ღორებით“ წარსდა. საღამოს წამყვანმა კულტურის ცენტრის განახლების საქმეში შეტანილი წვლილისთვის იმერეთში სახელმწიფო გუბერნატორის ადმინისტრაციას მადლობა გადაუხადა.
თერჯოლელებს ცენტრის გახსნა იმერეთის გუბერნატორმა ზაზა მეფარიშვილმა მიულოცა. მისი თქმით, კულტურის სფეროს განვითარება ერთ-ერთი პრიორიტეტია და შესაბამისად, მსგავსი ტიპის ობიექტების განახლებასა თუ რეაბილიტაციას ყველა რაონში ყურადღება მიექცევა. ამ დრომდე თერჯოლის მუნიციპალიტეტის კულტურის ცენტრს შენობა არ გააჩნდა. მსახიობებს, მუსიკალური და ქორეოგრაფიული ანსამბლის წევრებს კი ნორმალურ პირობებში რეპეტიიცის გავლის საშუალება არ ჰქონდათ. თერჯოლის მუნიციპალიტეტის კულტურის სახლის რეაბილიტაცია რეგიონული განვითარების ფონდმა 150 000 ლარით დააფინანსა.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი