2014 წლის 11 ივნისს, ქუთაისის 30-ე საჯარო სკოლაში მოეწყო დაწყებითი კლასების კათედრის პრეზენტაცია მიმდინარე სასწავლო წლის მუშაობის შესახებ. მოწვეული იყვნენ ამ სკოლის მიმდებარე ტერიტორიის სკოლამდელი აღზრდის დაწესებულებების გამგეები და პედაგოგები.
პრეზენტაცია I-IVკლასებში ჩატარებულ პროექტთა შესახებ წარადგინა სკოლის დირექტორმა მიხეილ გიორგაძემ. პრეზენტაციას ესწრებოდნენ სკოლის პედაგოგები, მოსწავლეები და მშობლები. სიგელები, დიპლომები და ფასიანი საჩუქრები გადაეცათ იმ მოსწავლეებს , რომლებმაც პროექტებსა და ღონისძიებებში წარმატება მოიპოვეს.
მოწვეულმა სტუმრებმა მოიწონეს წარდგენილი პროექტებისა და აქტივობების პრეზენტაცია და უსურვეს მათ მომავალი წარმატებები.