ლანჩხუთში მოსული ამომრჩევლების საერთო რაოდენობამ 60 პროცენტი შეადგინა. ეს იყო უპრეცედენტო შემთხვევა ადგილობრივი თვითმმართველობის არჩევნებში.
ხმების საერთო რაოდენობა ჯერჯერობით, კიდევ არაა დათვლილი, თუმცა სავარაუდოდ, ლანჩხუთი მეორე ტურს ელოდება.
ელოდება თუ არა მეორე ტურს და რა შეფასებას აძლევს დღევანდელ არჩევნებს? ჩვენ ამ კითხვით „პატრიოტთა ალიანსის“ გამგებლობის კანდიდატს, ბორის ჭყონიას მივმართეთ სოციალური ქსელის მეშვეობით. ჭყონიამ ასეთი პასუხი გაგვცა:
- საგაზეთო კომენტარისთვის ახლა ამ მომენტისთვის თავს შევიკავებ, არ მინდა უტაქტობაში ჩამეთვალოს. გთხოვთ არანაირი კომენტარი არ გააკეთოთ ჩემთან დაკავშირებით, ამ მომენტისთვის საერთოდ არანაირი, - ასე შემოიფარგლა ბორის ჭყონია.