ნაციონალური მოძრაობის პრესსამსახურმა მარნეულის სხვადასხვა უბანში დაფიქსირებული საარჩევნო დარრვევების ფაქტებზე ინფორმაცია და ვიდეო მასალა გაავრცელა, რომელსაც უცვლელად გთავაზოთ:
1. მარნეულის #2-ე საარჩევნო უბანზე “ქართული ოცნება” ღია პროპაგანდას ეწევა (ვიდეო) - მარნეულის #2-ე საარჩევნო უბანზეკანონდარღვევა დაფიქრისდა. 41 ნომრიანი მაისურებით ახალგაზრდები საარჩევნო უბანზე აგიტაცია-პროპაგანდას ეწეოდნენ.
2. მარნეულში ხელისუფლების ზონდერები ამომრჩეველზე ღია ტერორს ახორციელებენ - ამ წუთებში მოგვაწოდეს ინფორმაცია, რომ მარნეულში ვითარება ძალზე დაიძაბა. ხელისუფლებამ თითქმის ყველა უბანზე თავის ზონდერები გააგზავნა, რომლებიც უბნებზე მისულამომრჩეველზე ღია ტერორს ახორციელებენ. ამ ფაქტების დამადასტურებელ ვიდეო-კადრებს (მოგვიანებით) შემოგთავაზებთ. გარდა ამისა,მარნეულის 39-ე საარჩევნო უბანზე მასიურად ხდება საარჩევნო უბანში ბიულეტენების ჩაყრა.
3. მარნეულის 57ე საარჩევნო უბანზე ხმის მისაცემად კაბინაში ორი ადამიანი შევიდა - ადამიანებს პირადობის დამადასტურებელიმოწმობების გარეშე უშვებენ , გარდა ამისა დაფიქსირდა შემთხვევები, როდესაც ხმის მისაცემად კაბინაში 2 ადამინი შედის. აღნიშნულ ფაქტთანდაკავშირებით საჩივარი დაწერა თავისუფალი ზონის დამკვირვებელმა, მაგრამ კომისიის თავმჯდომარე უარს აცხადებს ოქმის ჩაბარებაზე. იყოშემთხვევა, როდესაც მოქალაქემ კომისიის წევრს, სანამ ურნაში ჩააგდებდა, თავისი ბიულეტენი აჩვენა.
4. მარნეულის 42-ე საარჩევნო უბანზე კანონდარღვევა დაფიქსირდა (video) -
42ე საარჩევნო უბანზე დაფიქსირდა საარჩევნო ბიულეტების ჩაყრა. გარდა ამისა, უბნის ტერიტორიაზე უცხო პიროვნება შევიდა, რომელიც კაბინაში სხვას შეყვა და მიუთითებდა კონკრეტული ნომრისშემოხაზვას. კომისიის წევრებს ამ ფაქტთან დაკავშირებით, პრეტენზია არ გამოუთქვამთ. უბანზე დამკვირვებლის სტატუსით მყოფმა ვანომაღალაშვილმა როგორც განაცხადა:- “უბანი მშვიდ ვითარებაში გაიხსნა, მაგრამ კანონდარღვევები არა ერთი დაფიქსირდა უკვე. საოლქოსაარჩევნო კომისიის წევრმა არა ერთხელ ჩააგდო ბიულეტენები საარჩევნო ურნაში, რაზეც შენიშვნა მივეცი, თუმცა, მას რეაგირება არ ჰქონია. ამფაქტთან დაკავშირებით შევადგინე ოქმი და კომისიის თავმჯდომარეც ჩავაყენე საქმის კურსში, მაგრამ მან რეგისტრაციაში არ გაატარა საჩივარი”.