„საქართველოს პატრიოტთა ალიანსის“ თავმჯდომარემ დავით თარხან-მოურავმა დღეს ქუთაისის ბალანჩივაძეების სახელობის ოპერის თეატრში პარტიის ქუთაისის საარჩევნო კადიდატთა სიის პრეზენტაცია გამართა. შეხვედრაზე ქუთაისის მერობის კანდიდატი ირაკლი კეზევაძე და მაჟორიტარი კანდიდატები წარადგინეს და პარტიის საარჩევნო გეგმასა და პრიორიტეტებზე ისაუბრეს.
„ჩვენთვის მთავარი პრიორიტეტი ადამიანებზე ზრუნვაა. უფასო ჯანდაცვა, უფასო განათლება და სრული სოციალური პაკეტი – ეს არის ის პრიორიტეტები, რასაც ჩვენ ამომრჩეველს ვპირდებით.“ – განაცხადა თარხან-მოურავმა, რომელიც ქუთაისის მერობის კანდიდატის შანსებსაც შეეხო. მისი განცხადებით, „ქართულმა ოცნებამ“ ვერაფერი გააკეთა, ამიტომ არც „ოცნებას“ და არც „ნაციონალურ მოძრაობას“ გამარჯვების შანსი არ აქვთ. მისივვე თქმით, მათი კანდიდატები უალტერნეტივოები არიან.