ქუთაისის იუსტიციის სახლთან აქცია გაიმართა. აქციის მონაწილეები აიდი ბარათების გაცემას კიდევ ერთხელ აპროტესტებდნენ. მათი განცხადებით, ხელისუფლებამ ჩვეულებრივი პირადობის მოწმობები უნდა დააბრუნოს ძალაში.
“დღეს ჩვენი შეკრებით კიდევ ერთხელ მოვუწოდებთ ხელისუფლებას გააუქმოს აიდი ბარათები, 60 000 ქართველს პირადობის მოწმობა არა აქვს. ნაწილს ეს საკითხი არ აღელვებს. ამ ადამიანებიდან არიან ისეთებიც, ვინც შეგნებულად არ იღებენ".
ქუთაისის იუსტიციის სახლთან რიგით მოქალაქეებთან ერთად ადვოკატებიც იმყოფებოდნენ. მათი განცხადებით თუ ქვეყენაში “ლგბტ” პირების უფლებებს იცავენ, ხელისუფლებამ მათი უფლებაც უნდა დაიცვას, ვინც ჩვეულებრივი პირადი ბარათის დაშვებას მოითხოვს. წინააღმდეგ შემთხვევაში აქციების გაგრძელებით იმუქრებიან.