ნაციონალური მოძრაობის წევრ ზურაბ ჭიაბერაშვილს აბაშიძის ქუჩაზე, ლიტერატურულ კაფეში ყოფნისას, თავს დაესხნენ.
ჭიაბერაშვილს დაზიანება თავის არეში აქვს მიყენებული.
ჭიაბერაშვილთან ერთად ილიას უნივერსიტეტის პროფესორი ნოდარ ლადარია და GIPA-ს საერთაშორისო პოლიტიკის პროგრამის ხელმძღვანელი თორნიკე შარაშენიძე იმყოფებოდნენ. ლადარიას თავდამსხმელებმა სახეში მდუღარე ჩაი შეასხეს.
დაზარალებულებმა თავდამსხმელები ამოიცნეს. მათი ცნობით, კაფეში შესულებს თავს რეზო თაბუკაშვილი და რეჟისორი გიო მგელაძე დაესხნენ, ნოდარ ლადარიას ცხელი ჩაი გადაასხეს, ხოლო ზურაბ ჭიაბერაშვილს ჭიქა თავში ჩაარტყეს.
შსს-ს პრესსამსახურის ცნობით, ამ დროისთვის საგამოძიებო მოქმედებები მიმდინარეობს.