იმერეთში სახელმწიფო რწმუნებული - გუბერნატორი ზაზა მეფარიშვილი საჩხერის მუნიციპალიტეტის წარმომადგენლებთან ერთად ოკუპირებულ ტერიტორიაზე მდებარე სოფელ ქარძმანის მოსახლეობას შეხვდა და მათ პრობლემებს გაეცნო.
ხელისუფლების წარმომადგენლებმა რვა ადგილობრივ ოჯახს სასმელი წყლის მილებიც გადასცეს. იმერეთის გუბერნატორმა სხვიტორის ხიდზე მიმდინარე სამუშაოებიც მოინახულა. აღნიშნულ ხიდს განსაკუთრებული სტრატეგიული მნიშვნელობა აქვს, რადგან ის 12 სოფელს აკავშირებს ცენტრთან. პროექტს მუნიციპალური განვითარების ფონდი 489 000 ლარით აფინანსებს.
იმერეთის სახელმწიფო რწმუნებულმა არასამთავრობო ორგანიზაცია „ქალები მშვიდობისა და სიცოცხლისათვის“ წევრებთან ერთად ცამეტ შეზღუდული შესაძლებლობის მქონე პირს ინვალიდის ეტლი გადასცა.
იმერეთის გუბერნატორმა ზაზა მეფარიშვილმა საჩხერის მუნიციპალიტეტის ადგილობრივ ხელისუფლებასთან და საზოგადოებრივ აქტივთანაც გამართა შეხვედრა.
შეხვედრაზე მუნიციპალიტეტის გამგეობის სამსახურის უფროსებმა მიმდინარე წლის 4 თვის ანგარიში წარმოადგინეს, განსახორციელებელი ინფრასტრუქტურული პროექტები განიხილეს და შესაბამისი რეკომენდაციები მიიღეს.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი