ქუთაისის ცენტრში მდებარე რესტორანი „მირზაანი“ დაიხურა. ყოფილი რესტორნის შენობაში, რომელიც ქალაქის #1 საჯარო სკოლის გვედრით მდებარეობს europe –bet ის  სლოტ კლუბი იხსნება.

ინფორმაცია შენობაში მყოფებმა  დაგვიდასტურეს, რესტორანი  „მირზაანი“ ფინანასური კრიზისის გამო დაიხურა. ყოფილმა მეპატრონემ კი შენობა ახალ მფლობელზე გაასხვისა.

„რესტორანმა არ იმუშავა, მაგრამ  სლოტ კლუბი  იმუშავებს. იმედია მომხმარებლები არ მოგვაკლდება“,-ამბობს ერთ-ერთი ადგილზე მყოფი.

შენობაში  სარესტავრაციო სამუშაოები უკვე მიმდინარეობს.

ჩვენს კითხვაზე, ჯდება თუ არა საკანონმდებლო ნორმებში  სასწავლო დაწესებულების გვერდით  სლოტკლუბი გახსნ, ერთ-ერთმა წარმომადგენელი გვპასუხობს:“ მთავარია კაცი გყავდეს მთავრობაში და ყველაფერი შეიძლება!“ მისივე თქმით კონკრეტული პიროვნებების მფარველობის გარეშე ასეთი ტიპის დაწესებულების გახსნა სკოლასთან ახლოს შეუძლებელი იქნებოდა.

PSNEWS.GE-აღნიშნულ თემაზე მუშაობას აგრძელებს.