ქუთაისში, ავანგარდის დასახლებაში, ერთდროულად ორი მაღაზია გაძარცვეს. მათგან ერთ-ერთი შპს „ბარაქას“ ჯიხურია, რომელიც ბოლო ორი თვის განმავლობაში მეორედ გაიძარცვა.
როგორც მაღაზიის მეპატრონეები აცხადებენ, წაღებულია პროდუქტი და ნავაჭრი თანხა. ზარალის ზუსტი რაოდენობა, ჯერჯერობით, უცნობია.
მომხდარზე მიმდინარეობს გამოძიება. თუმცა ამ დრომდე არცერთ ფაქტზე დამნაშავე არ დაუკავებიათ.