ჭიათურაში მუნიციპალური საბაგირო ტრანსპორტის ისტორიაში მნიშვნელოვანი პერიოდი იწყება. ოთხი მიმართულებით ფრანგული კომპანია ,,პომა“ ახალ ბაგირგზებს გამართავს და ეს იქნება ულტრათანამედროვე სატრანსპორტო საშუალება.
21-ე საუკუნის ყველაზე მნიშვნელოვანი პროექტი ჭიათურისათვის_ ასე აფასებენ 14 მილიონიან პროექტს ზემო იმერეთში. იმის გამო, რომ აქამდე ბაგირგზებით მგზავრობა 20 თეთრი ღირდა და ამჟამად ეს ტრანსპორტი გაჩერებულია, ამიტომ მუნიციპალიტეტის ხელმძღვანელობის გადაწყვეტილებით დაინიშნა შიდასაქალაქო ტრანსპორტი, რომლის მომსახურება ჭიათურელებს ზუსტად იგივე ფასი უჯდება, რამდენიც არც ისე დიდი ხნის წინ - ბაგირგზებით გადაადგილება.
,,ვიდრე ბაგირგზები არ გაიმართება, მანამდე ჭიათურაში ასე იაფი იქნება შიდასაქალაქო ტრანსპორტი“, - განაცხადა ჭიათურის მუნიციპალიტეტის გამგებელმა სულხან მახათაძემ.