ტელეკომპანია "იმედის" გადაცემაში "რეაქცია" კახა კალაძემ კოალიციის მერობის კანდიდატი დავით ნარმანია წარადგინა.  ჟურნალისტის მიერ ნარმანიას წარმომავლობასთან დაკავშირებით დასმული კითხვის საპასუხოდ კი განაცხადა, რომ ნარმანია "საბურთალოელი მეგრელია"

"ის საბურთალოზე ცხოვრობს, ასე რომ, საბურთალოელი მეგრელია, ამიტომ ამასთან დაკავშირებით პრობლემა არაა. წლებია უკვე, ის თბილისში ცხოვრობს. ეს არის ადამიანი, რომელსაც ძალიან უყვარს თავისი ქვეყანა, ჰყავს ლამაზი ოჯახი, ღირსეული პიროვნებაა, ძლიერი მენეჯერი და მეურნე, რაც ინფრასტრუქტურის მინისტრის პოსტზე დაამტკიცა", – განაცხადა კალაძემ.