ძლიერი ქარის გამო, ქუთაისში რუსთაველის ქუჩაზე, პრესის სახლის გვერდით მშენებარე შენობიდან ფიცრები გადმოვარდა და მანქანას დაეცა. შემთხვევის შედეგად მანქანას საქარე მინა მთლიანად დაუზიანდა.
უბედურ შემთხვევას გადაურჩნენ ფეხითმოსიარულეები და მოქალაქეები, რომლებიც იმ მომენტისათვის მშენებლობის წინ არსებულ გაჩერებაზე იდგნენ.
დაზარალებულმა მანქანის პატრონმა პატრულს გამოუძახა.
ძლიერი ქარის გამო აღნიშნული მშენებლობიდან საშენი მასალების ცვენის საფრთხე ისევ არსებობს. მშენებლობას კომპანია „რეტროგრუპი“ ასრულებს, თუმცა კომპანიის წარმომადგენელთაგან ამ წუთში შემთხვევის ადგილზე არავინ იმყოფება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი