საბაჟო გამშვები პუნქტის, „ყაზბეგის“, მებაჟე ოფიცრებმა, იარაღის უკანონო გატანის მცდელობა გამოავლინეს.

 3 მაისს აღნიშნული პუნქტის გავლით, საქართველოს მხრიდან გადიოდა რუსეთის ფედერაციის მოქალაქე შ.მ, რომლის კუთვნილ ავტომანქანაში, საბაჟო პროცედურების გავლისას, აღმოჩენილ იქნა 4 ცალი ცეცხლსასროლი იარაღი - 3 დაშლილი, ხოლო 1 - აწყობილი. ასევე, ერთი ცალი კონდახი. პირს ჩაუტარეს ფიზიკური დათვალიერებაც, რის შედეგადაც აღმოჩნდა, რომ მას დამატებით 40 ცალი ვაზნა, 2 ცალი პისტოლეტის ლულა და 2 ცალი ცარიელი მჭიდი გაჰქონდა ქვეყნის ტერიტორიიდან.

საქმე შემდგომი რეაგირებისათვის შსს საპატრულო პოლიციის დეპარტამენტის მცხეთა-მთიანეთის მთავარ სამმართველოს გადაეცა.

წყარო: სსიპ შემოსავლების სამსახური.