ქუთაისის მერის მოვალეობის შემსრულებელმა და იმერეთის გუბერნატორმა ზაზა მეფარიშვილმა ქუთაისქალაქობის დღესასწაულზე საპატიო ქუთაისელები დაასახელეს.
2014 წელს ქუთაისის საპატიო მოქალაქეების სტატუსი მიენიჭათ: ექიმ თემურ ძიძიგურს, საკრებულოს ყოფილ თავმჯდომარეს, ამირან ხვადაგიანს, ექიმ მერაბ კვიცარიძეს და გერმანე გოგლიჩიძეს. მათ ქალაქის და მხარის ხელმძღვანელობამ მესხიშვილის თეატრში სიგელები გადასცეს.