იმერეთის რეგიონში მიმდინარე ინფრასტრუქტურული პროექტების მონიტორინგის ფარგლებში, სახელმწიფო რწმუნებულმა - გუბერნატორმა ზაზა მეფარიშვილმა და ზესტაფონის მაჟორიტარმა დეპუტატმა გოგი ქავთარაძემ, რაიონის გზების სარეაბილიტაციო სამუშაოები დაათვალიერეს.
ამ ეტაპზე ზესტაფონში ქვედა საქარა - ქვედა საზანოს 14 კმ - იანი მონაკვეთის რეაბილიტაცია მიმდინარეობს. აღნიშნული მონაკვეთი ზესტაფონის, თერჯოლისა და ჭიათურის რაიონის სოფლებს აკავშირებს ერთმანეთთან და ბოლო ათწლეულია რაც არ შეკეთებულა. პროექტის დასრულების შემდეგ რეაბილიტირებული გზით 5 000 - მდე ოჯახი ისარგებლებს.
პროექტის განსახორციელებლად მუნიციპალური ფონდიდან 6 532 800 ლარი გამოიყო. გზის სარეაბილიტაციო სამუშაოებზე 70 ადამიანია დასაქმებული, 25 მათგანი ადგილობრივია. ქვედა საქარა - ქვედა საზანოს 14 კმ - იანი მონაკვეთზე ასფალტო-ბეტონის საფარის მოწყობა ივნისის თვეში დასრულდება.