ქუთაისის სააპელაციო სასამართლომ დასავლეთ საქართველოს საოლქო პროკურატურის საჩივარი არ დააკმაყოფილა.
პროკურატურა ქუთაისის საქალაქო სასამართლოს მიერ მიღებული გადაწყვეტილების გაუქმებას, კერძოდ კი,„ნაციონალური მოძრაობის“ ხონის ორგანიზაციის ხელმძღვანელისთვის აღმკვეთი ღონისძიების სახით 50 000 ლარიანი გირაოს შეეფარდების გაუქმებას და მის პატიმრობაში დატოვებას ითხოვდა.
ლევან ბობოხიძე სასჯელაღსრულების დაწესებულებას დღეს დატოვებს.
შეგახსენებთ, რომ ლევან ბობოხიძე წინა კვირას სახელმწიფო ქონების გაფლანგვის, უფლებამოსილების ბოროტად გამოყენების, ასევე სამსახურებრივი სიყალბისა და თაღლითობის ორგანიზების ბრალდებით დააკავეს.