გიორგი მარგველაშვილმა სპეციალურ პრესკონფერენციაზე, რომელიც ამ წუთებში იმართება, გააკეთა განცხადება უკრაინის კრიზისის ირგვლივ და აღნიშნა, რომ მას არ ახსენდება მეორე მსოფლიო ომის შემდეგ რომელიმე შემთხვევა, როცა ერთმა სახელმწიფომ მიიერთა მეორე სახელმწიფოს ტერიტორია. მან მოუწოდა საერთაშორისო თანამეგობრობას, არ დაიშუროს ძალისხმევა, რომ მშვიდობიანად მოგვარდეს ეს პრობლემა. საქართველოს პრეზიდენტის აზრით, ბოლო 5-6 წლის განმავლობაში საერთაშორისო საზოგადოებას მეტი უნდა გაეკეთებინა იმისათვის, რომ დღეს ეს შედეგი არ დამდგარიყო.
„2008 წლის შემდეგ უფრო მეტი უნდა ყოფილიყო გაკეთებული საერთაშორისო თანამეგობრობის მიერ და ჩვენს მიერაც. დღეს ამ საკითხში ჩვენ ვრჩებით საერთაშორისო თანამეგობრობის წევრი. “ _ განაცხადა მარგველაშვილმა.
ბ.ი.