2014 წლის 6 მარტს სსიპ ქალაქ ქუთაისის N17 საჯარო სკოლის ბიბლიოთეკაში მოეწყო პროფესიული განვითარების ეროვნული ცენტრის მიერ მოწოდებული სასწავლო დისკების პრეზენტაცია ისტორიაში.

გამართულ პრეზენტაციას ესწრებოდნენ საზოგადოებრივი მეცნიერებების კათედრიდან ისტორიის პედაგოგები: მანანა ტყეშელაშვილი, ხათუნა ჩხეტიანი, სოსო ცქიფურიშვილი, ზამირა ზივზივაძე, ნოდარ ზოსიაშვილი.

მასწავლებლებმა მოისმინეს ისტორიკოს გურამ ქართველიშვილის მიერ მიწოდებული ქრონიკები, რომლებიც ეძღვნებოდა მეფე ერეკლე II-ის ეპოქას, თემურ-ლენგის ეპოქას, ასევე წარმოდგენილი იქნა მოკლემეტრაჟიანი ფილმები საქართველოს ისტორიის მნიშვნელოვანი ეპოქებიდან. ისტორიის პედაგოგთა მიერ გაკეთდა კომენტარები თითოეულ ეპოქასთან მიმართებაში საინტერესო დეტალებზე. უახლეს მომავალში დაიგეგმა ღია გაკვეთილები აღნიშნული ვიზუალური რესურსების გამოყენებით.