2014 წლის 20 თებერვალს სსიპ ქალაქ ქუთაისის N17 საჯარო სკოლის IV3 კლასში (კლასის ხელმძღვანელი: მაკა კინწურაშვილი, ხელოვნების პედაგოგი: ციური კრავიშვილი) ჩატარდა პრეზენტაცია თემაზე – „ჩემი სახელის ისტორია“.
ბავშვებმა გააცოცხლეს ისტორიული წარსული, სახელოვანი ადამიანები, ლიტერატურული გმირები, რომელთა სახელების მატარებლებიც თავად არიან. ღონისძიებას ესწრებოდნენ ქუთაისის საგანმანათლებლო რესურს-ცენტრის ხელმძღვანელი ბატონი ბადრი ვაშაკიძე, რესურს-ცენტრის უფროსი სპეციალისტი, იურისტი სოფო ჯიმშელეიშვილი, N20 ბაღის მეთოდისტი, პედაგოგები, მშობლები. ღონისძიებამ თბილ და სასიამოვნო გარემოში ჩაიარა.