საქართველოს ფეხბურთის ფედერაციის სადისციპლინო საკითხთა კომიტეტის გადაწყვეტილებით, ქუთაისის ტორპედოს ჯარიმის სახით 18 300 ლარი დაეკისრა, თბილისის „დინამოს“ კი – 800 ლარი.

ქუთაისის ცენტრალურ სტადიონს 5 მატჩიანი  დისკვალიფიკაცია დაუდგინეს.

ფედერაციის გადაწყვეტილებით, ქუთაისის „ტორპედოსა“ და თბილისის „დინამოს“ შორის ჩაშლილი შეხვედრა „დინამოს“ სასარგებლოდ 0:3 ჩაითვალა.

სტადიონზე დაკავებული „ტორპედოს“ 25 გულშემატკივარი ქუთაისი საქალაქო სასამართლომ გაასამართლა.  ყველა მათგანს ფულადი ჯარიმა დაეკისრა, რომლის ოდენობა მოსამართლემ ინდივიდუალურად დაადგინა. ჯარიმა 200-დან 500 ლარამდე განისაზღვრა.