დღეიდან  მე-12  კლასელების ექსტერნატის გამოცდები დაიწყო. ქუთაისის მასშტაბით ექსტერნის გამოცდებს 56 მოსწავლე 8 სასკოლო საგანში ჩააბარებს. აქედან სამ საგანს  მათსავე სკოლებში  ხოლო დანარჩენ 5 საგანს – ქართული ენა, მათემატიკა, ისტორია, ინგლისუსი და  სამოქალაქო თავდაცვა,  ცენტრალიზებულად, ელექტრონული ფორმით ჩააბარებენ.

ბადრი ვაშაკიძე, ქუთაისის საგანმანათლებლო რესურს-ცენტრის ხელმძღვანელი:  „შარშან ექსტერნატის დებულებაში ცვლილება შევიდა, რომლის მიხედვითაც დამამთავრებელი, მე-12 კლასის ხუთი გამოცდა ელექტრონული ფორმით  ჩატარდება, გამოცდები ხუთი დღის განმავლობაში გაგრძელდება, რომლის განრიგს განათლების სამინისტრო განსაზღვრავს.“

იმ მოსწავლეებმა, რომლებიც სკოლებში ექსტერნებად იყვნენ ჩარიცხულები, ერთიან ეროვნულ გამოცდებში გასვლის უფლების  მოსაპოვებლად ექსტერნის გამოცდები უნდა ჩააბარონ.