ქუთაისის მერის მოვალეობის შემსრულებელი შოთა მურღულია ქუთაისში მცხოვრებ მრავალშვილიან დედებს შეხვდა და საჩუქრები გადასცა. თვითმმართველობის წარმომადგენლებმა ქალბატონებს, რომელთაც 7 და მეტი შვილი ჰყავთ, ასევე 2008 წლის ომში დაღუპულთა ოჯახის წევრებს დედის დღე მიულოცეს და ყვავილები და 300 ლარის ოდენობის ფულადი თანხა გადასცეს. საჩუქარი 30-მდე ქალბატონმა მიიღო.

დღესვე, დედის დღესთან დაკავშირებით, მესხიშვილის სახელობის თეატრში გაიმართება ქუთაისელი მხატვარი ქალების გამოფენა. დღის ბოლოს კი, 3 მარტს ქალბატონებს თამარ ჭოხონელიძე მიულოცავს. მასთან ერთად რამდენიმე ნომერს ქუთაისში არსებული საბავშვო ანსამბლის წევრებიც შეასრულებენ. 

შეხვედრა ქუთაისის  მერიის სოციალურ საკითხთა და იძულებით გადაადგილებულ პირთა სამსახურის მიერაა ორგანიზებული.