დღეს ზესტაფონის მუნიციპალიტეტის გამგეობაში სტუმრად იმყოფებოდნენ იმერეთის სახელმწიფო რწმუნებულის–გუბერნატორის ადმინისტრაციის წარმომადგენლები.
სახელმწიფო რწმუნებულის-გუბერნატორი მოადგილე ალექსანდრე იოსებაშვილი და რეგიონალური პროექტებისა და კოორდინირების სამსახურის უფროსი იოსებ ხახალეიშვილი ზესტაფონის ადგილობრივ ხელისუფლებას შეხვდნენ. მათ შეხვედრა მუნიციპალიტეტის გამგებელთან, გამგებლის მოადგილესთან და სამსახურის უფროსებთან გამართეს. შეხვედრაზე საუბარი შეეხებოდა ზესტაფონის მუნიციპალიტეტში ჩატარებულ ინფრასტრუქტურული სამუშაოებს და 2014 წელს რეგიონებში განსახორციელებელი პროექტების ფონდიდან დასაფინანსებელ პროექტებს. მხარეების ერთობლივი შეთანხმებით დაისახა მომავლის გეგმები.