გავრცელებული ინფორმაციით, დღეს 12 საათზე იმერეთის სამხარეო ადმინისტრაციაში ვიცე–გუბერნატორის დანიშვნა უნდა მომხდარიყო, თუმცა, სამხარეო ადმინისტრაციაში ამ დრომდე ამბობენ, რომ ამირან ძოწენიძის კანდიდატურის აღნიშნულ პოსტზე წარდგენის ზუსტი დრო არ იციან.
თავად ქუთაისის ყოფილი ვიცე–მერი ამირან ძოწენიძე არაოფიციალურ საუბარში არ უარყოფს ინფორმაციას მისი მოსალოდნელი დანიშვნის შესახებ, თუმცა ამბობს, რომ ჯერჯერობით მისთვის უცნობია, როდის წარადგენენ მას ამ პოსტზე.