ქუთაისის მერის მოვალეობის შემსრულებელმა შოთა მურღულიამ და ჭადრაკის ფედერაციის პრეზიდენტმა გიორგი გიორგაძემ თანამშრომლობის მემორანდუმი გააფორმეს.
ჭადრაკის ფედერაციის მიერ გამოცხადებულ ტენდერში, თუ სად უნდა გამართულიყო ჩემპიონატი, ქუთაისმა გაიმარჯვა.
აღნიშნული მემორანდუმის საფუძველზე კი, ქუთაისი ოფიციალურად უმასპინძლებს საქართველოს ჩემპიონატს ჭადრაკში, რომელიც ივნისის თვეში გაიმართება.
„სიამოვნებით ვუმასპინძლებთ ჩემპიონატს. ქუთაისისთვის დიდი მნიშვნელობა აქვს ამ ღონისძიებას. ამ მიმართულებით, ქუთაისი ყოველთვის ძლიერი იყო და შევეცდებით მაღალ დონეზე ჩატარდეს ყველაფერი“,- განაცხადა შოთა მურღულიამ.
„საქართველოს ჩემპიონატში 300-მდე მოჭადრაკე მიიღებს მონაწილეობას, ძირითადად: 10, 14 და 18 წლის ახალგაზრდები. მნიშვნელოვანი დატვირთვა აქვს ამ ჩემპიონტს, გამარჯვებული მოჭადრაკეები ევროპის ჩემპიონატში მიიღებენ მონაწილეობას“,-განაცხადა გია გიორგაძემ.