„სამართლიანობა“ თუ „გოიმობა“?
აქციის მონაწილეებმა დაპირებული მუქარა დაუყოვნებლივ შეასრულეს და საკრებულოს თავმჯდომარეს, თამაზ მარგველაშვილს კაბინეტის კარი აუჭედეს.
მისიის შესრულება საკუთარ თავზე არასამთავრობო ორგანიზაცია „საზოგადოების დაცვის ცენტრის“ წარმომადგენელმა სულხან ქობულაძემ აიღო და მარგველაშვილს კარი პირადად აუჭედა. „ეს არის სამართლიანობის ზეიმი. ამ კაცის ადგილი აქ არ არის, ის დე-ფაქტო თავმჯდომარეა და მისი დრო ამოიწურა,“ – აღნიშნა სულხან ქობულაძემ.
აქციის მონაწილეებს პროტესტის „ძველმოდური“ ფორმა დაუწუნა საკრებულოს „ნაციონალმა“ წევრმა გია უკლებამ.
„ეს გოიმობაა, უსამართლობის წინააღმდეგ ჩვენ დროში სხვა ფორმით უნდა გამოდიოდნენ,“ – აღნიშნა უკლებამ.