იპოთეკით დაზარალებული პირების პერმანენტული აქციები ადგილს იცვლის და პარლამენტის მიმდებარე ტერიტორიიდან ქალაქის სხვადასხვა უბნებში ინაცვლებს. დღეს დაზარალებულებმა 30-ე საჯარო სკოლის წინ შეიკრიბნენ და სკოლის ეზოში აქცია გამართეს, როგორც თავად ამბობენ, მიზანმიმართულად.
მარინა გვადიბაძე, იპოთეკით დაზარალებული: „ამ სკოლაში ასწავლის დაწყებითი კლასების პედაგოგი, რომელსაც მეორე უძველესი პროფესია აქვს – ის მევახშეა. აუქციაონის წესით გაყიდულ ბინებს მინიმალურ ფასად იძენს. სწორედ ამ გზით ჩემი საცხოვრებელი სახლი 9 ათას დოლარად შეიძინა, უკან დაბრუნების სანაცვლოდ კი 30 ათას დოლარს მთხოვს.“
თავად ნინო გაბედავა კომენტარისგან თავს იკავებს.
იპოთეკარები კი 30-ე სკოლის წინ პერმანენტული აქციების გამართვას აპირებენ.