ბიძინა ივანიშვილი პოლიტიკიდან წასვლისას საზოგადოებას დაპირდა, რომ სამოქალაქო სექტორში გადაინაცვლებდა და იქედან გააკონტროლებდა ხელისუფლებას.
დღეს ბიძინა ივანიშვილმა ოფიციალურად არასამთავრობო ორგანიზაცია „მოქალაქე“ დააფუძნა. ორგანიზაციის ხელმძღვანელი თავად ბატონი ბიძინაა, ხოლო აღმასრულებელი დირექტორი გიორგი საბანაძე, რომელიც „ჯიპას“ მეორე კურსის სტუდენტია.
28 იანვარს ბიძინა ივანიშვილი საჯარო განცხადებას გააკეთებს ჟურნალისტებისათვის. თუ რა სახის თანამშრომლობას შესთავაზებს ხელისუფლებას სამოქალაქო სექტორიდან ბიძინა ივანიშვილი, უცნობია. მის ამომრჩევლებს კი ბევრი პრეტენზია დაუგროვდა იმ მმართველი გუნდის მიმართ, რომელსაც ხალხმა სწორედ ბატონ ბიძინა ივანიშვილის ფაქტორის გამო დაუჭირა მხარი.
საინტერესოა, როგორ მოახერხებს ამომრჩევლების კომპენსირებას სამოქალაქო სექტორში მყოფი ყოფილი პრემიერი და ბიზნესმენი.