იმერეთის გუბრნატორმა ზაზა მეფარიშვილმა ბაღდათში 2008 წლის აგვისტოს ომში დაღუპული ჯარისკაცების ოჯახები მოინახულა. მეფარიშვილის განცხადებით დაღუპული გმირების ოჯახებს გარდა ფინანსურისა, მორალური მხარდაჭერაც ესაჭიროება.
"მორალური გვერდში დგომა განსაკუთრებით მნიშვნელოვანია დაღუპულთა დედებისთვის და თუნდაც ეს მცირედი ყურადღებაც კი აუცილებელი და საჭიროა",–განაცხადა მეფარიშვილმა.
აღსანიშნავია, რომ ბაღდათის ადგილობრივი ხელისუფლება დაღუპულთა ოჯახის წევრებს წელიწადში ორჯერ 500 ლარიან დახმარებას უწევს, სადღესასწაულო დღეებში კი საჩუქრებს ურიგებს. ბაღდათში ჩასვლამდე იმერეთის გუბრნატორმა დაღუპული ჯარისკაცების ოჯახები იმერეთის ყველა რაიონში მოინახულა.