დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
ინტერვიუ BBC–სთან
პაატა ზაქარეიშვილი: "მეშინია, მოვა დრო და მივხვდებით, რომ სააკაშვილი მართალი იყო"
ავტორი: PS („პოსტსკრიპტუმი“)
2014/01/04 15:55:32

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ინტერვიუ BBC -ს რუსულ სამსახურს მისცა. პაატა ზაქარეიშვილმა უწყების ახალ სახელწოდებაზე და კონფლიქტების გადაწყვეტის საკუთარი ხედვის შესახებ ისაუბრა.

პაატა ზაქარეიშვილი: როდესაც საქართველოში რეინტეგრაციის სამინისტრო გაჩნდა, რომელმაც კონფლიქტების დარეგულირების სამინისტრო შეცვალა, ამან სოხუმისა და ცხინვალსი მხრიდან უმალვე მწვავე რეაქცია გამოიწვია. მათ უბრალოდ შეწყვიტეს საუბარი ამ სამინისტროს წარმომადგენლებთან.

მათთვის ტერმინი „რეინტეგრაცია" ნიშნავდა იმას, რომ, მოსახლეობის აზრის გათვალისწინების გარეშე, ამ რეგიონების დანარჩენ საქართველოსთან რეინტეგრირება უნდა მოხდეს.
ჩვენ სხვა ხედვა გვაქვს - ჩვენ გვსურს კონფლიქტის გადაწყვეტა მოლაპარაკების გზით, ყველა მხარის აზრის გათვალისწინებით. ჩვენ მოვიხსენით ვარდისფერი სათვალე და ყველაფერს რეალურად ვუყურებთ. რეალობა ასეთია: საქართველო მიდის ევროპაში, რუსეთი კი კავკასიაში თავის გავლენას კარგავს.

მე არ მგონია, აფხაზებს და ოსებს ბევრი მოეგოთ რუსეთის მიერ მათი დამოუკიდებლობის ცნობით. საქართველო მათ სხვა ფორმატში თივთრეალიზაციას სთავაზობს.

 

BBC: როგორია საქართველოს მთავრობის მიმდინარე კონცეფცია, სტრატეგია აფხაზეთან და სამხრეთ ოსეთთან დაკავშირებით?

 

პაატა ზაქარეიშვილი: საქართველო სთავაზობს აფხაზეთსა და სამხრეთ ოსეთს, ისე, რომ არაფერი დავივიწყოთ, ყველაფერი სუფთა ფურცლიდან დავიწყოთ. რადგან საქართველოში მართლაც არსებითად შეიცვალა ხელისუფლება. ის ახლებურად უყურებს როგორც წარსულს, ასევე პერსპექტივებს.

მზად ვარ განვიხილოთ მრავალი აქტუალური საკითხი კონფლიქტური რეგიონებისათვის - სოციალური, ეკონომიკური.

მოგიყვანთ მაგალითს: დე ფაქტო ხელისუფლება ხშირად აყენებდა ახალგორის რაიონისთვის გაზის მიწოდების საკითხს და დარწმუნებული იყო, რომ თბილისი უარს იტყოდა. მაგრამ როგორც კი ხელისუფლება შეიცვალა, პირადად მე განვაცხადე ამ პროექტზე თანხმობა. და მაშინ უკვე მათ თქვეს უარი.

ჩვენ მზად ვართ გვერდზე გადავდოთ ნებისმიერი საკითხი, რომელიც მიუღებელია მათთვის ან ჩვენთვის, მაგალითად, სტატუსის პრობლემები. ჩვენ შეგვიძლია გადავწყვიტოთ საკითხები, რომლებზეც თანხმობის მიღწევა შეგვიძლია.

 

BBC: ამ მიდგომაზე საქართველოს ხელისუფლებამ რაიმე პასუხი თუ მიიღო?

 

პაატა ზაქარეიშვილი: არა. იცინი უცებ ჩაიკეტნენ და წინა პლანზე პოლიტიკური პრობლემების წამოწევა დაიწყეს, რასაც აქამდე არ აკეთებდნენ. ნებისმიერ ურთიერთობას ისინი ახლა უკავშირებენ ძალის არგამოყენების შესახებ ოფიციალური შეთანხმების გაფორმებას. ეს სასაცილოა, რადგან საქართველომ უკვე რამდენჯერმე აიღო საკუთარ თავზე ეს ვალდებულება. პირველად მედვედევი-სარკოზის ხელშეკრულების ხელმოწერის შემდეგ, სადაც ეს მუხლი ნათლად იყო მითითებული.
საქართველომ, რუსეთისგან განსხვავებით, შეასრულა საკუთარი ვალდებულებები და ჯარები გაიყვანა. ევროპელი დამკვირვებლები ადასტურებენ, რომ კონფლიქტის რაიონში ქართული საბრძოლო ტექნიკა არ არის თავმოყრილი.

მეორედ ეს გააკეთა მიხეილ სააკაშვილმა, როდესაც სტრასბურგში გამოვიდა ზეპირი პირობით, არ გამოიყენოს ძალა აფხაზეთისა და სამხრეთ ოსეთის წინააღმდეგ. იგი სადმე სამზარეულოში ხომ არ საუბრობდა, ეს ოფიციალური ტრიბუნა იყო!

დაბოლოს, უკვე ახალმა ხელისუფლებამ მარტში პარლამენტის სპეციალური რეზოლუცია მიიღო, რომლითაც აიღო ცალმხრივი ვალდებულება, არ განაახლოს საბრძოლო მოქმედებები.
აფხაზურ და ოსურ მხარესთან ცალკე ხელშეკრულების მოთხოვნა ძალიან უპერსპექტივოა. ყველამ იცის, რომ საქართველო ძალის გამოყენებას არ აპირებს. და რომც უნდოდეს, ეს შეუძლებელია, იქ ხომ რუსული ჯარები დგანან.

როდესაც ისინი ამ ტერიტორიებს დატოვებენ, მაშინ ასეთი ხელშეკრულების ხელმოწერაც შეიძლება. ჯერჯერობით კი სხვა საკითხები უნდა განვიხილოთ, პრობლემები, რომლებიც ძალიან ბევრი დაგროვდა - თავისუფალი გადაადგილების, გარესამყაროსთან კავშირის, ვაჭრობის საკითხები და მრავალი სხვა.
ისინი უბრალოდ დროს წელავენ, ეს კი ძალიან მავნებელია კონფლიქტების დარეგულირების პროცესისთვის. თუ ასე გაგრძელდა, საქართველოს მოსახლეობაც და მთელი მსოფლიოც იფიქრებს, რომ არც აფხაზებს და არც ოსებს არ სჭირდებათ მშვიდობა, არ სჭირდებათ სამშვიდობო პროექტები. და თუ ეს ასეა, რატომ უნდა დავხარჯოთ ამაზე ძალისხმევა? მათ მომენტით უნდა ისარგებლონ.

 

BBC: საქართველოში, სააკაშვილის მმართველობის დროს მიღებულ იქნა კანონი ოკუპაციის შესახებ, რომლითაც ისჯებოდნენ პირები, ვინც აფხაზეთში და სამხრეთ ოსეთში რუსეთის მხრიდან ხვდებოდა. როგორია თქვენი პოზიცია ამ კანონთან დაკავშირებით?

 

პაატა ზაქარეიშვილი: პარლამენტმა ამ კანონში ცვლილებების ინიცირება მოახდინა, ისინი უკვე პირველი მოსმენით გავიდა. სამწუხაროდ, იურიდიული პროცესი ცოტათი გაიწელა, მაგრამ ის მალე დასრულდება. ეს კანონი აუცილებლად უნდა შერბილდეს, რათა იყოს მიმართული ოკუპაციის და არა ადამიანების წინააღმდეგ.
იყო შემთხვევები, როდესაც ადამიანები, რომლებიც კონფლიქტური ტერიტორიების გავლით საქართველოს სხვა ნაწილში მიეგზავრებოდნენ, ციხეებში ხვდებოდნენ. მათ შორის იყვნენ ისეთებიც, ვინც უბრალოდ არ იცოდა იმის შესახებ, რომ საქართველოს კანონმდებლობას არღვევდა. მიმაჩნია, რომ მიდგომა უფრო ჰუმანური უნდა იყოს. შეიძლება დავტოვოთ ადმინისტრაციული ჯარიმა, ოღონდ არა პატიმრობა.

 

BBC: საქართველოს პირველ პირებს არაერთხელ განუცხადებიათ, რომ ისეთი სახელმწიფოს აშენებას აპირებენ, სადაც დაბრუნებას აფხაზეთისა და სამხრეთ ოსეთის მცხოვრებნი თავად ისურვებენ. ამაში რა იგულისხმება?

 

პაატა ზაქარეიშვილი: ჩვენ არ ვაპირებთ საკუთარი თავის, ჩვენი სიყვარულის ან რაიმე ამგადვარის თავზე მოხვევას. ჩვენ არ უნდა დავშორდეთ, აფხაზებს და ოსებს განსაკუთრებული არჩევანი არ აქვთ - ეს ან რუსეთია ან საქართველო. მაგრამ ჩვენ შეგვიძლია შევთავაზოთ მათ სხვა რამ - არა რუსეთი ან საქართველო, არამედ რუსეთი ან ევროპა. არა, არა ევროკავშირი დაგვეხმარება კონფლიქტების მოგვარებაში, არამედ საქართველოს სწრაფვა ევროპისკენ.

რა თქმა უნდა, ეს ხანგრძლივი პროცესია, მაგრამ ჩვენ შეგვიძლია შევთავაზოთ აფხაზეთსა და სამხრეთ ოსეთს დემოკრატიული ინსტიტუტების მთელი პაკეტი, როგორიცაა, მაგალითად, ძალაუფლების დანაწილება, დამოუკიდებელი სასამართლო, მთლიანობაში ადამიანის უფლებების და ეროვნული უმცირესობების დაცვა.

შეხედეთ, რა ხდება იქ დღეს - რუსული ენა, რუსული სამართალი, რუსული კულტურა, რუსული ტელევიზია, რუსული არმია.

ჩვენ შეგვიძლია მათ შევთავაზოთ არა ქართული, არამედ მათი საკუთარი ფასეულობები. ჩვენ არ ვაპირებთ მათ თავზე მოვახვიოთ ქართული ენა, გვესმის, რომ აფხაზეთში უკვე დაავიწყდათ ქართული. მაგრამ აფხაზურის თანდათან გამოდევნა ხდება რუსულის მიერ. ჩვენ მათ არჩევანის თავისუფლება უნდა შევთავაზოთ - აირჩიონ ის ფასეულობები, რაც მათ აწყობთ.

 

BBC: მიიჩნევთ თუ არა, რომ არსებობს თბილისს, სოხუმსა და ცხინვალს შორის პირდაპირი მოლაპარაკებების განახლების შანსი?

 

პაატა ზაქარეიშვილი: ვფიქრობ, თავად ოსებისა და აფხაზების ინტერესებშია პირდაპირი მოლაპარაკებების დაწყება. ჩვენ ამისთვის მზად ვართ, არ ვაყენებთ არანაირ პირობებს. პირობებს, სამწუხაროდ, ისინი აყენებენ.

როდესაც სააკაშვილი ამბობოდა, რომ მათთან საუბარს აზრი არ აქვს, ისინი არ წარმოადგენენ მხარეს და მხოლოდ რუსეთის ხელში მარიონეტები არიან, მათ ეს სწყინდათ. ახლა, როდესაც ჩვენ საუბარს ვთავაზობთ, წინაპირობებს გვიყენებენ.

იცით, იმის მეშინია, რომ მოვა დრო და მივხვდებით, რომ სააკაშვილი მართალი იყო. მე ეს არ მსურს. არ მინდა აღმოჩნდეს, რომ ოსები და აფხაზები სინამდვილეში საერთოდ ვერაფერს წყვეტენ და მოლაპარაკება მხოლოდ პირდაპირ მოსკოვთან არის შესაძლებელი. ეს არ არის ის შედეგი, რომლის მიღწევა გვსურს.

ჯერჯერობით არის დრო და ქართულ მხარესაც მოთმინება ჰყოფნის. პრობლემები ხომ მართლაც ბევრია, აფხაზებს და ოსებს უკეთეს პირობებში ცხოვრება სურთ, ეკონომიკურად, პოლიტიკურად, სოციალურად. ჩვენ მუდმივად გვეხმის ჩივილები, რომ რეგიონების მცხოვრებლებს სადღაც არ უშვებენ, რაღაც სხვა პრობლემებიც არსებობს. ჩვენ მზად ვართ მათ დავეხმაროთ, თუ ეს ჩვენზეა დამოკიდებული, მზად ვართ პოლიტიკური საკითხები მინიმუმამდე დავიყვანოთ და მჭიდრო ფოკუსირება ჰუმანიტარულ საკითებზე მოვახდინოთ. მაგრამ სად განვიხილოთ ეს პრობლემები? პირდაპირი მოლაპარაკებების ფორმატი არ არსებობს.

 

BBC: მაგრამ ხომ არსებობს ჟენევის შეხვედრების ფორმატი?

 

პაატა ზაქარეიშვილი: დიახ, მაგრამ ჟენევაარის მოლაპარაკებები საქართველოსა და რუსეთს შორის. ფორმატი სპეციალურად შეიქმნა რუსეთ-საქართველოს ომის შემდეგ. დიახ, ჩვენ ვსაუბრობთ კონფლიქტურ რეგიონებზე, მაგრამ არა მათთან, არამედ მოსკოვთან. თუ ეს მათ ხელს აძლევთ, კი ბატონო, მაგრამ პირადად მე ეს არ მაკმაყოფილებს. აუცილებლად მიმაჩნია პირდაპირი დიალოგი, გარდა ჟენევისა, სადაც რუსული კონტექსტი დომინირებს.

 

წყარო "ტაბულა"

'.$TEXT['print'].'
სულ ნანახია - 3279
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია