გიგი უგულავას ადვოკატებმა სასამართლოში სარჩელი უკვე შეიტანეს. თბილისის საქალაქო სასამართლოს გადაწყვეტილებას, გიგი უგულავასათვის 50 000 ლარის გირაოს გადახდის და მერის უფლებამოსილების შეჩერების თაობაზე, უგულავას ადვოკატები მეორე ინსტანციის სასამართლოში გაასაჩივრებენ.  მიიღებს თუ არა სააპელაციო სასამართლო სარჩელს, ჯერჯერობით უცნობია.

გიგი უგულავას ადვოკატი გიორგი გელხაური აცხადებს, რომ სასამართლოს უფლება არ ჰქონდა, ზეპირი მოსმენის საფუძველზე გიგი უგულავა თანამდებობიდან გადეყენებინა.

სანამ არ მოხდება ზემოთ აღნიშნული გადაწყვეტილებების კანონის ძალაში შესვლა, მანამდე გიგი უგულავა ქალაქ თბილისის მერად ითვლება – განაცხადა უგულავას ადვოკატმა. თუმცა, საქალაქო სასამართლოს გადაწყვეტილება მერიის კანცელარიას უკვე ჩაბარდა. რა ფორმით მოხდება სასამართლოს გადაწყვეტილების აღსრულება, ჯერჯერობით უცნობია, რადგანაც კანონით ამის აღსრულების უფლება ზემდგომ პირს აქვს.

ირაკლი აბესაძე (თბილისის მერის მოდგილე):  ვინაიდან თბილისის მერი არის ხალხის მიერ არჩეული, მერია სასამართლოს სთხოვს, განუმარტოს, თუ როგორ შეიძლება მისი აღსრულება. თანამდებობიდან გადაყენების გადაწყვეტილებას ღებულობს არა ბრალდებული, არამედ შესაბამისი დაწესებულების ხელმძღვანელი. თბილისის მერი არჩეულია ხალხის მერ და მისი გადაყენება შეუძლია მხოლოდ ხალხს. ამიტომაც უცნობია, თუ როგორ უნდა მოხდეს თბილისის მერის, გიგი უგულავას თანამდებობიდან ჩამოშორება.

თბილისის საქალაქო სასამართლომ უგულავასათვის მერის უფლებამოსილების შეჩერება დაავალა პროკურორ მალხაზ კაპანაძეს. მერის მოვალეობის შემსრულებელი სევდია უგრეხელიძე აცხადებს, რომ გიგი უგულავას გადაყენება მიზანმიმართულად მოხდა, იმისათვის, რომ ოცნების კანდიდატისათვის გზა გაეწმინდათ, მერად კი არა, თუნდაც საქართველოს დედოფლად აირჩიონ, მაგრამ ეს არის უკანონობა.