საკრებულოს დღევანდელ სხდომას ფრაქცია "ნაციონალური მოძრაობის" დეპუტატი გია გოქაძე პროტესტის ნიშნად არ დაესწრო. გოქაძე სხდომების საკრებულოს თავმჯდომარის კაბინეტში ჩატარებას აპროტესტებს და ამბობს, რომ ეს არ არის მიღებული ფორმა.
„საკრებულოს სხდომებისთვის არსებობს სპეციალური კაბინეტი და იქ უნდა ჩატარდეს სხდომები, მაშინაც კი თუ სხდომათა დარბაზს დროებით გუბერნატორი ან სხვა საჯარო პირი იყენებს. არ ვაპირებ საკრებულოს თავმჯდომარის „ბუტკაში" ჩატარებულ სხდომებს დავესწრო",-აცხადებს გია გოქაძე.
შეგახსენებთ, რომ საკრებულოს დღევანდელი სხდომა საკრებულოს თავმჯდომარის კაბინეტში ჩატარდა, რაც არც თუ იშვიათ მოვლენაა.