დღეს ქუთაისის მერის მოვალეობის შემსრულებელმა შოთა მურღულიამ პროექტის - „მიცკევიჩის დღეები საქართველოში“ - მონაწილე ქუთაისის საჯარო და კერძო სკოლის მოსწავლეები დააჯილდოვა.
პროექტი გასულ წელს დაიწყო საქართველოში, მიმდინარე წელს კი მასში მონაწილეობა მიიღეს ქუთაისის 11-მა საჯარო და კერძო სკოლის მოსწავლეებმა.
პროექტის ფარგლებში იმართებოდა ადამ მიცკევიჩის ნაწარმოებების საჯარო განხილვა.
„პროექტში აქტიურ მონაწილეობას იღებენ მოსწავლეები, ვაწყობთ საჯარო კითხვას და იმისათვის, რომ პროექტი უფრო ფართო მასშტაბის გახდეს, შევეცდებით, არ დავიშუროთ ძალები და სამომავლოდ გავაღრმავოთ თანამშრომლობა,“ - განაცხადა ახალგაზრდათა საინიციატივო ჯგუფის ხელმძღვანელმა შალვა კამლაძემ.
გამარჯვებულ მოსწავლეებს გადაეცათ სიგელები, ფასიანი საჩუქრები და პატრიარქის ინგლისურენოვანი ეპისტოლე. მოსწავლეებს ასევე პოლონეთის ქალაქების პოზნანისა და ოლშტინის მერების მიერ გამოგზავნილი საჩუქრები გადასცეს.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი