"ქართული ოცნების" ქუთაისის ოფისის თავმჯდომარის მანანა მიქაძის ბრალდებებს "პატრიოტთა ალიანსში" პასუხობენ.
"პატრიოტთა ალიანისის" იმერეთის ორგანიზაციის პრესსამსახურის უფროსის ციცი ჯინჯიხაძის განცხადებით, გოჩა თევდორაძეს უშუალოდ "ქართული ოცნების" ქუთაისის ორგანიზაციის რეკომენდაციით დანიშნული ადამიანები არ ჰყავდა მხედველობაში, არამედ ბოლო პერიოდში, ქალაქის ხელმძღვანელ პოსტებზე "ოცნების" მიერ დანიშნული კადრების მიერ დასაქმებული თანამშრომლები.
შეგახსენებთ, რომ მიქაძემ დღეს გამართულ ბრიფინგზე გოჩა თევდორაძე სიცრუეში დაადანაშაულა და აღნიშნა, რომ "პატრიოტთა ალიანსის" იმერეთის ორგანიზაციის თავმჯდომარის განცხადება, თითქოს მერიაში "ოცნების" რეკომენდაციით 131 ადამიანი დასაქმდა სიმართლეს არ შეესაბამება, რეალურად კი მერიაში "ქართული ოცნების" 14 წევრი მუშაობს.